Moduli za MEWAKA

1. Moduli Zilizopo

Mfumo huu una aina mbalimbali za moduli zinazolenga kuimarisha ujuzi wa walimu. Kuna moduli zinazohusu masomo kwa mano Hesabu na Giografia, pamoja na moduli ambazo hufundisha mbinu za kufundishia bila kujali aina ya somo husika.

2. Moduli za Masomo

Jiongeze ujuzi katika masomo mbalimbali kama vile Kiingereza, Kemia, Baiolojia, Hisabati, Historia, na mengineyo. Kila moduli ya somo imeandaliwa kwa ustadi kutoa maarifa ya kina na mbinu za kufundishia zilizothibitishwa na wataalamu wa masomo hayo.

3. Moduli za Mbinu za Kufundishia

Gundua mbinu mpya za kufundishia kupitia moduli zetu za mbinu za kufundishia. Mada kuu kwenye moduli hizi ni pamoja na:

4. Kufundisha Madarasa Makubwa

Jifunze mbinu bora za kusimamia na kuvutia makundi makubwa ya wanafunzi.

5. Kufundisha wanafunzi wenye mahitaji maalum

Jifunze jinsi ya kuunda mazingira ya darasa yanayojumuisha na kuheshimu mahitaji mbali mbali ya wanafunzi wataki wa kujifunza.

6. Usimamizi wa Darasa

Pata maarifa kuhusu jinsi ya kudumisha mazingira chanya na yenye tija darasani.

7. Matumizi ya TEHAMA

Elewa jinsi ya kujumuisha teknolojia kwa ufanisi katika mbinu zako za kufundishia.

8. Ngazi za Moduli

Maudhui yetu yameandaliwa kwa umakini ili kutosheleza mahitaji ya walimu katika ngazi mbalimbali za elimu. Mfumo una moduli kwa ajili ya walimu wa Shule za awali, shule za msingi, shule za sekondari na pia vyuo vya ualimu.

9. Mbinu za Kujifunza

Jukwaa lina aina kuu mbili za moduli, moduli za kujifunza binafsi ambapo mwalimu anatarajiwa kujifunza kozi peke yake na kwa kasi yake mwenyewe, na moduli za jumuiya ya kujifunza ambapo moduli inapaswa kufanywa na kikundi cha walimu katika shule. Katika Jumuiya za Kujifunza (JzK), msimamizi wa rika anachukua nafasi kuu.